“आकाश कंदील बनवा” स्पर्धेचा बक्षीस वितरण समारंभ संपन्न

Related Articles

जिल्ह्यातील नृत्य दिग्दर्शकांच्या बैठकीचे आयोजन

December 29, 2023

साहित्यिक कलावंत संमेलनात रानकवी जगदीप वनशिव यांची निवड

December 21, 2023

कवी, लेखक ,कलावंत , खेळाडू , राजकीय नेते यासमवेत समवेत रंगली काव्य मैफिल

December 21, 2023

बृहन्मुंबई/प्रतिनिधी –  महानगरपालिका शिक्षण विभाग अंतर्गत कार्यानुभव विभागा तर्फे , शिक्षणाधिकारी राजेश कंकाळ , उपशिक्षणाधिकारी ( मध्यवर्ती) श्रीम. सुजाता खरे यांच्या मार्गदर्शनाखाली कार्यानुभव विभागाच्या निदेशिका (प्र.) श्रीम. तृप्ती पेडणेकर यांनी गुरुवार दिनांक:- 13/10/2022 रोजी त्रिवेणी संगम मनपा शालेय इमारतीतील सभागृहात आकाश कंदील तयार करणे या स्पर्धेचा पारितोषिक वितरण समारंभ आयोजित केला होता. या समारंभात इयत्ता सहावी ते आठवी च्या विद्यार्थ्यांनी तयार केलेल्या सुंदर सुंदर निवडक कलाकृतींना पारितोषिक प्रदान करण्यात आले.
सदर कार्यक्रमास शिक्षणाधिकारी राजेश कंकाळ , उपशिक्षणाधिकारी ( मध्यवर्ती) श्रीम. सुजाता खरे  उपस्थित होत्या. तसेच किर्तीवर्धन किरतकुडवे , श्रीम. आशा मोरे , श्रीम. ममता राव , श्रीम. मालती टोणपे , श्री.कडाकोटी सर ,श्री.वाणी सर, हे सर्व मान्यवर उपशिक्षणाधिकारी उपस्थित होते. तसेच अधिक्षक श्री. निसार खान

उपस्थित होते .
उपस्थित मान्यवरांनी विद्यार्थ्यांनी तयार केलेल्या कलाकृती बघून विद्यार्थ्यांचे भरभरून कौतुक केले आणि विद्यार्थ्यांचा व शिक्षकांचा उत्साह वाढविला. कार्यक्रमाचे निवेदन कार्यानुभव शिक्षिका ऋतुजा कसबे यांनी केले तसेच सरते शेवटी कार्यानुभव शिक्षक तानाजी मोरे यांनी सर्व मान्यवरांचे व उपस्थित विद्यार्थी, पालक, शिक्षक वर्गाचे आभार मानले. कार्यक्रमाचा समारोप संगीत विभाग द्वारा सादर केलेल्या पसायदानाने झाला.