आषाढी वारीत रंगले साहित्य सम्राट चे कविसंमेलन

Related Articles

ज्ञानतिर्थ इंग्लिश स्कूल अँड ज्युनिअर कॉलेज वखारी येथे स्वातंत्र्य दिन मोठ्या उत्साहात साजरा

August 15, 2024

शिवजी माध्यमिक विद्यालय जांबसमर्थ स्नेहमिलन मेळावा सपन्न

April 18, 2024

जिल्ह्यातील नृत्य दिग्दर्शकांच्या बैठकीचे आयोजन

December 29, 2023

रामटेकडी, हडपसर पुणे-(प्रतिनिधी)
साहित्य सम्राट या संस्थेने सालाबादप्रमाणे वारीमध्ये १६८ वे कविसंमेलन राज्य राखीव पोलीस गट क्र.२(एस.आर.पी.ग्रुप नं. २ )हडपसर मध्ये आयोजित केले होते.
शिवमंदिरात ह.भ.प.बडदे महाराज यांच्या दिंडीमध्ये डॉ.जयवंत अवघडे यांच्या अध्यक्षतेखाली कविसंमेलन संपन्न झाले.अवघाची संसार सुखाचा करीन या संत वचनाला आत्मसात करीत जीवनाचा आंनद घेऊन आपण सगळे पांडुरंगाच्या भेटीसाठी माहेरच्या ओढीने भक्तिरसात चिंब झालो आहोत, असे अवघडे यांनी आपले मत व्यक्त केले. कार्यक्रमाच्या मंचावर ३५ क्र.दिंडीचे प्रमुख बडदे महाराज, ज्ञानाई फाउंडेशनचे सिताराम नरके, जेष्ठ नागरिक संघाचे ठाकूर, दिंडी स्थळ व्यवस्थापक सूर्यकांत लबडे, ह.भ.प.पुरुषोत्तम गायके महाराज, प्रसिद्ध निवेदक जगदीप वनाशिव आणि साहित्य सम्राटचे संस्थापक विनोद अष्टुळ उपस्थित होते.
संत, वारकरी आणि कवी यांचे विचार एकच असतात. ते साहित्यातून समाजास नित्य प्रबोधन करीत असतात.म्हणूनच हा वारीतील उपक्रम दरवर्षी आयोजित केला जातो. असे आपल्या प्रास्ताविकात विनोद अष्टुळ म्हणाले.
महाराष्ट्राच्या कानाकोपऱ्यातून आलेले वारकरी, गावकरी, जेष्ठ नागरिक संघ आणि भाविक. भक्तीरसातील कविता, अभंग, ओव्या, भारुड, गीते आणि अखंड या काव्य प्रकारामध्ये अक्षरशः भक्तिमय होऊन गेले.
या कविसंमेलनात नानाभाऊ माळी, शरयू गायके, संजय भोरे, गौरव नेवसे, आदित्य राठोड, सौ इनामदार, सौ.अर्चना अष्टुळ, बबन धुमाळ, बाळासाहेब गिरी आणि विचारपीठावरील सर्व मान्यवर यांनी आपल्या सादरीकरणाने उपस्थितांची मने जिंकली.
कार्यक्रमाचे स्वागत पुरुषोत्तम गायके, सूत्रसंचालन जगदीप वनशिव आणि आभारप्रदर्शन नानाभाऊ माळी यांनी केले.