एकता दौड व फिट इंडिया फ्रिडम रन धावणे उपक्रमाचे आयोजन

Related Articles

राज्यस्तरीय शालेय किक बॉक्सिंग स्पर्धेमध्ये विष्णू चव्हाण तृतीय 

January 23, 2025

ज्युनिअर राज्यस्तरीय सेपकटकरॉ स्पर्धेत नांदेडचा मुलाचा संघास विजेते पद तर मुलीच्या संघास उपविजेतेपद

January 22, 2025

ज्युनिअर राज्यस्तरीय सेपक टकरॉ स्पर्धेत जळगाव च्या संघाला २ रौप्य व १ कांस्य पदक

January 22, 2025

जालना/प्रतिनिधी – सरदार वल्लभभाई पटेल यांचा जन्मदिन दि.31 ऑक्टोबर हा राष्ट्रीय एकता दिवस म्हणून साजरा करण्यात येतो. या दिनाच्या निमीत्ताने केंद्र व राज्य शासन यांचे संयुक्त विद्यमाने प्रतिवर्षी जिल्हास्तरावर राष्ट्रीय एकता दौड (UNITY RUN) चे आयोजन प्रत्येक जिल्हयात करण्यात येते.
जिल्हा क्रीडा अधिकारी कार्यालय, जालना व जिल्हा प्रशासन, जालना यांच्या वतीने दिनांक 31 ऑक्टोबर 2022 रोजी सकाळी 7.00 वाजता मानवी साखळी तयार करून राष्ट्रीय एकता दौड (UNITY RUN) ची सुरूवात जिल्हा क्रीडा संकुल, जालना – जिल्हाधिकारी कार्यालय- शासकीय रूग्णालय- मुक्तेश्वर द्वार- मोतीबाग मार्गे जिल्हा क्रीडा संकुल, जालना पर्यंत आयोजन करण्यात आले असून मा. जिल्हाधिकारी तथा उपाध्यक्ष, जिल्हा क्रीडा संकुल समिती, जालना यांच्या शुभहस्ते सदरील एकता दौडची सुरूवात हिरवी झेंडी दाखवून करण्यात येणार आहे.
युवा व खेल मंत्रालय, नवी दिल्ली यांनी पुढाकार घेऊन फिट इंडिया फ्रिडम रन 3.0 कि.मी. धावणे उपक्रम राबविण्याचे नियोजन केले आहे. सदर उपक्रमाची सुरूवात दि. 02 ऑक्टोबर ते 31 ऑक्टोबर 2022 या कालावधीत सुरू आहे.
फिटनेस का डोस- आधा घंटा रोज या उपक्रमात सर्वांनी दररोज धावावे. सर्वांनाच तंदूरूस्त (फिटनेस ) नियमीत व्यायामाची आवश्यकता असते. नियमीत व्यायामाकरिता प्रोत्साहीत करण्यासाठी आणि सर्वांना लठ्ठपणा, आळस, तणाव, चिंता, आजार इत्यादीपासून मुक्त होण्यास मदत करण्यासाठी फिट इंडिया अंतर्गत फिट इंडिया फ्रिडम रन 3.0 कि.मी. धावणे ही चळवळ सुरू आहे. यामध्ये तुम्ही कोठेही, कधीही पळू / चालू शकता. यामध्ये सहभागी असणाऱ्यांनी www.fitindia.gov.in या वेबसाईटवर रजिस्ट्रेशन करावे. सदर उपक्रमामध्ये घरात बसून कामकाज करणारे युवक-युवती, नागरिक व गृहिणी, खेळाडू, क्रीडा प्रेमी, क्रीडा संघटक इत्यादीनी सहभागी व्हावे. त्याच बरोबर दि. 31 ऑक्टोबर 2022 रोजी सकाळी 7.00 वाजता जिल्हा क्रीडा संकुल, जालना येथून सुरूवात होणाऱ्या एकता दौड (UNITY RUN) मध्ये प्राथमिक, माध्यमिक व उच्च माध्यमिक विद्यालये, विद्यापीठ, शासकीय, निम शासकीय कार्यालये, शहरातील नागरीक, खेळाडूं, क्रीडा संघटक, क्रीडा प्रेमी इत्यादीनी आवश्यक त्या पोशाखात उपस्थित राहून सहभागी व्हावे असे आवाहन अरविंद विद्यागर, जिल्हा क्रीडा अधिकारी, जालना यांनी केले आहे.
तसेच जिल्हयातील शाळा / महाविद्यालये यांनी आपल्यास्तरावर दि. 31 ऑक्टोबर 2022 रोजी मोठया प्रमाणात एकता दौडचे आयोजन करण्यात फिट इंडिया फ्रिडम रन 3.0 मध्ये सहभाग नोंदवून उपरोक्त वेबसाईटवर रजिस्ट्रेशन करावेत.