कर्मयोगी महात्मा अंबादासजी गरड महाराजांचा स्मृती दिवस प्रेरणा दिन म्हणून साजरा करणार! प्रेरणादिनानिमित्त जालन्यात गुरुवारी विशाल सत्संगाचे आयोजन

जालना : संत निरंकारी मंडळ जालना शाखेचे तत्कालीन संयोजक तथा ब्रम्हलिन, कर्मयोगी महात्मा अंबादासजी गरड महाराज यांचा स्मृती दिन प्रेरणा दिवस म्हणून साजरा करण्यात येणार आहे. यानिमित्त गुरुवार दि.१९ मे २०२२ रोजी सांगली येथील ज्ञान प्रचारक प. पू.दत्ताजी महाराज जगताप यांच्या भव्य प्रवचनाचा कार्यक्रम आयोजित करण्यात आला आहे. प. पू. अंबादासजी गरड महाराज यांच्या कार्यातून प्रेरणा घ्यावी म्हणून त्यांचा स्मृतीदिवस प्रेरणा दिन म्हणून साजरा करण्यात येणार आहे. श्री. गरड महाराजांनी आपले संपूर्ण आयुष्य निरंकारी मंडळाच्या कार्यात घालवून अनेकांना त्यांनी प्रेरीत करुन संत निरंकारी मंडळात आणले. त्यांच्या भरीव योगादानाची दखल घेऊनच त्यांचा स्मृती दिवस प्रेरणा दिन म्हणून साजरा करण्यात येणार आहे. येथील जुना जालना भागातील गांधीचमन स्थित असलेल्या संत निरंकारी सत्संग भवनामध्ये सकाळी १० ते १ या वेळेत होणार्‍या या विशाल सत्संगास राष्ट्रीय कीर्तनकार हभप आ. शिरीषजी डोंगरे यांची विशेष उपस्थिती राहणार आहे. तरी जिल्ह्यातील भाविकांनी यावेळी मोठ्या ंसंख्येने उपस्थित राहून सत्संगाचा लाभ घ्यावा, असे  आवाहन जालना शाखेचे संयोजक  राजकुमार परसवाणी यांनी केले आहे.