खेळ आणि खेळाडूंच्या विकासासाठी क्रीडा विभाग सदैव तत्पर – जिल्हा क्रीडाधिकारी विद्यागर यांची ग्वाही

Related Articles

जिल्हास्तरीय शालेय कबड्डी स्पर्धेत पार्थ सैनिकी शाळेचे घवघवीत यश

September 27, 2024

तालुकास्तरीय शालेय मैदानी स्पर्धेत आमची शाळा खरपुडीचे घवघवीत यश

September 5, 2024

जिल्हास्तरीय शालेय मल्लखांब व रोप मल्लखांब स्पर्धा खरपुडी येथे उत्साहात संपन्न

August 13, 2024

जिल्हास्तरीय शालेय क्रीडा स्पर्धेचे थाटात उद्घाटन
जालना/ प्रतिनिधी – जालना जिल्ह्यातील खेळाडूंमध्ये प्रतिभा असून ते नक्कीच राष्ट्रीय आणि आंतरराष्ट्रीय पातळीवर जालन्याचा नावलोकिक करणार याची खात्री असून खेळ आणि खेळाडूंच्या विकासासाठी क्रीडा विभाग सदैव तत्पर असल्याची ग्वाही जिल्हा क्रीडाधिकारी विद्यागर यांनी दिली.
शालेय शिक्षण व क्रीडा विभाग, क्रीडा व युवक संचलनालय महाराष्ट्र राज्य पुणे अंतर्गत जालना जिल्हा क्रीडा अधिकारी कार्यालय तथा जिल्हा क्रीडा परिषद यांच्या संयुक्त विद्यमाने आयोजित जिल्हास्तरीय शालेय क्रीडा स्पर्धेचे तायक्वांडो संघटनेचे अध्यक्ष अरविंद देशमुख यांच्याहस्ते थाटात उद्घाटन करण्यात आले. यावेळी बोलताना अरविंद देशमुख यांनी शालेय क्रीडा स्पर्धेच्या ऑनलाईन नोंदणी प्रक्रियेत क्रीडा शिक्षकांकडून त्रुटी होत असून खेळाडूंना होणाऱ्या त्रासाकडे सर्वांचे लक्ष वेधले. तसेच पुढच्या वर्षी असे प्रकार टाळण्यासाठी सर्व शालेय क्रीडा शिक्षकांना क्रीडा कार्यालयामार्फत प्रशिक्षण देण्याची मागणी ही त्यांनी केली.
कार्यक्रमाच्या अध्यक्षस्थानी जिल्हा क्रीड़ा अधिकारी अरविंद विद्यागर तर प्रमुख पाहुणे म्हणून पत्रकार प्रा. विजय कमळे पाटील, क्रीडा मार्गदर्शक संतोष वाबळे, क्रीड़ा अधिकारी आरती चिल्लारे, अशोक पडुळ, राष्ट्रीय पंच सचिन आर्य, फईम खान, मयूर पिवल, सचिन गादेवाड, राहुल ढाकने, ज्ञानेश्वर मोरे, प्रांजल पिवल यांची प्रमुख उपस्थिती होती. यावेळी मान्यवरांच्या हस्ते तायक्वांडो आणि योगाचे उद्घाटनीय सामने खेळविण्यात आले.