जालन्यात एआयएमआयएमच्यावतीने भव्य तिरंगा रॅली डॉ. बाबासाहेब आंबेडकरांच्या संविधानामुळे देश मजबुत- शेख माजेद

Related Articles

निता आरसुळे लिखित सफर जगाची पुस्तकाला *’आनंदाचं झाड ‘ उत्कृष्ट बालसाहित्य कृतज्ञता पुरस्कार 2024

April 16, 2024

साहित्यिक कलावंत संमेलनात रानकवी जगदीप वनशिव यांची निवड

December 21, 2023

कवी, लेखक ,कलावंत , खेळाडू , राजकीय नेते यासमवेत समवेत रंगली काव्य मैफिल

December 21, 2023

जालना । प्रतिनिधी – भारताला स्वातंत्र्य मिळून 75 वर्ष पूर्ण झाली आहेत. यानिमित्ताने देशात स्वातंत्र्याचा अमृत महोत्सव साजरा होत आहे. या औचित्याने जालना शहरात एमआयएम पक्षाच्यावतीने सोमवार (दि 15) रोजी भव्य तिरंगा रॅली काढण्यात आली. या तिरंगा रॅलीत सुमारे पाचशे दुचाकींचा सहभाग होता. प्रसंगी डॉ. बाबासाहेब आंबेडकर यांच्या संविधानामुळे देश मजबूत असल्याचे प्रतिपादन पक्षाचे जिल्हाध्यक्ष शेख माजेद यांनी यावेळी केले. हिंदुस्थान झिंदाबाद, डॉ. बाबासाहेब आंबेडकर झिंदाबाद अशा घोषणांनी शहर दाणाणून गेले.
15 ऑगस्ट स्वातंत्र्याचा अमृत महोत्सव देशभरात मोठ्या उत्साहात साजरा होत आहे. यानिमित्तने विविध उपक्रम राबविण्यात येत आहे. एमआयएमआयएमचे राष्ट्रीय अध्यक्ष बॅरिस्टर खा. असद्दोदीन औवेसी, महाराष्ट्र प्रदेशाध्यक्ष खा. इम्तियाज जलील, प्रदेश कार्याध्यक्ष डॉ. गफ्फार कादरी यांच्या सूचनेनूसार शहरात एआयएमआयम पक्षाच्यावतीने जिल्हाध्यक्ष शेख माजेद यांच्या नेतृत्त्वाखाली काढण्यात आलेल्या तिरंगा मोटरसायकल रॅलीस उत्स्फुर्त प्रतिसाद मिळाला. या रॅलीत सुमारे पाचशे दुचाकी सहभागी झाल्या होत्या. दुचाकीवर स्वार सर्वांच्या हाथी तिरंगा ध्वज होता. रॅली दरम्यान हिंदुस्थान झिंदाबाद च्या घोषणांनी शहर दाणाणून गेले. प्रसंगी शेख माजेद यांनी डॉ. बाबासाहेब आंबेडकर यांच्या संविधानामुळे सर्व भारतीयांना अधिकार प्राप्त झाले आहेत. आजची ही भव्य रॅली देखील त्यांच्या संविधानामुळे शक्य झाली आहे. डॉ. आंबेडकर यांच्या संविधानाने देश आज मजबूत असल्याचेही शेख माजेद यांनी यावेळी सांगतले.
या रॅलीची सुरवात छत्रपती संभाजी महाराज उद्यान (मोतीबाग) येथून करण्यात आली. मोतीबाग पासून निघालेली रॅली गांधीचमन मार्गे मंमादेवी- मामा चौक- टांगा स्टॅण्ड – छत्रपती शिवाजी महाराज पुतळा – मंगळबाजार- पाणीवेस – गरिबशहा बाजार- रेल्वे स्टेशन रोड ते शहीद टिपू सुलतान चौकात रॅलीचा राष्ट्रगीताने समारोप करण्यात आला. दरम्यान, शेख माजेद यांचे ठिकठिकाणी स्वागत व अभिनंदन करण्यात आले. या रॅलीत पक्षाचे युवा शहराध्यक्ष जोहेब अन्सारी, सोशल मिडीया शहराध्यक्ष शोहेब खान,  समी बागवान, अरशद शेख, फसियोद्दीन अन्सारी, सय्यद इस्माईल, नुमान बागवान, इकराम शेख, मुज्जु खान, शेख शफीक, आवेस शेख, हामीद बागवान यांच्यासह एमआयएमच्या जिल्हा-शहरातील पदाधिकार्‍यांनी परिश्रम घेतले.