जिल्हास्तरीय युवा महोत्सवास उत्साहात सुरूवात

Related Articles

ज्ञानतिर्थ इंग्लिश स्कूल अँड ज्युनिअर कॉलेज वखारी येथे स्वातंत्र्य दिन मोठ्या उत्साहात साजरा

August 15, 2024

शिवजी माध्यमिक विद्यालय जांबसमर्थ स्नेहमिलन मेळावा सपन्न

April 18, 2024

जिल्ह्यातील नृत्य दिग्दर्शकांच्या बैठकीचे आयोजन

December 29, 2023

जिल्हा क्रीडा अधिकारी कार्यालयाच्या वतीने आयोजन
जालना/प्रतिनीधी – क्रीडा व युवक सेवा संचालनालय, महाराष्ट्र राज्य पुणे अधिनस्त जिल्हा क्रीडा अधिकारी कार्यालय तथा जिल्हा क्रीडा परीषद जालना व जिल्हा अधिक्षक कृषी अधिकारी कार्यालय जालना यांच्या संयुक्त विद्यमाने दि. 9 ते 10 डिसेंबर 2023 दरम्यान नुतन महाविद्यालय, जालना येथे आयोजित जिल्हास्तर युवा महोत्सव 2023-24 चे उद्घाटन वसंतराव नाईक शिक्षण प्रसारक मंडळाचे अध्यक्ष राजेंद्र राख यांच्या हस्ते नटराज पूजन व दिप प्रज्वलन करून करण्यात आले. कार्यक्रमाच्या अध्यक्षस्थानी जिल्हा क्रीडा अधिकारी अरविंद विद्यागर तर विशेष उपस्थितीमध्ये जिल्हा कृषी अधिक्षक कार्यालयाचे उपसंचालक संदिप जगताप, जिल्हा क्रीडा संघटक शेख चाँद पी.जे., नुतन महाविद्यालयाचे प्राचार्य अशोक काळुसे , तालुका क्रीडा अधिकारी संतोष वाबळे हे उपस्थित होते. यावेळी मत्स्योदरी महाविद्यालयचे प्रा.डॉ. विनोद जाधव, डॉ. एस. पी. निर्मल, राजेभाऊ मगर, श्रीमती रेखा गतखणे, संदिप इंगोले, गंगाधर जोशी, ऋषी डोंगरे, कृषी सहाय्यक यु. डी. खांडेभराड, श्रीमती ए. एन. सोनवलकर, कृषी सहाय्यक योगिता सुपेकर , कृषी पर्यवेक्षक एस. आर. कोरडे, एस.एस. कमाने, जि. आर. ढेंगळे यांची परीक्षक म्हणुन उपस्थिती होती.
यावेळी मार्गदर्शन करतांना उद्घाटक राजेंद्र राख यांनी या महोत्सवात सहभागी होणार्‍या सर्व कलाकारांचे अभिनंदन करून विभागीय, राज्यस्तरीय व राष्ट्रीय महोत्सवाकरीता शुभेच्छा दिल्या. जिल्हा क्रीडा अधिकारी अरविंद विद्यागर यांनी प्रास्तावीक करून युवा महोत्सवाबद्दल सविस्तर माहिती दिली. तसेच यावेळी कृषी उपसंचालक संदिप जगताप व जिल्हा क्रीडा संघटक शेख चाँद पी.जे. यांचे समयानुरूप मार्गदर्शन झाले.
कार्यक्रमाचे सुत्र संचालना देवेंद्र बारगजे यांनी तर आभार प्रदर्शन जिल्हा क्रीडा कार्यालयाचे संतोष वाबळे यांनी केले. जिल्हास्तर युवा महोत्सवाचे आयोजन यशस्वीपणे होणे करिता जिल्हा क्रीडा अधिकारी श्री अरविंद विदागर यांचे मार्गदर्शना खाली संतोष वाबळे , सोपान शिंदे , हारुण खान , राहुल गायके , कैलास नाटकर , इस्माईल शेख आदी परिश्रम घेत आहेत .