तालुकास्तरीय वादविवाद स्पर्धेत जिजाऊ हायस्कूल शेलगाव सर्वव्दितीय…!

शेलगाव : येथील जिजाऊ हायस्कूल आणि ज्युनियर कॉलेजच्या विद्यार्थ्यांनी ग.शि.अ., पंचायत समिती, जालना तर्फे आयोजित तालुकास्तरीय हुतात्मा जनार्दन मामा नागापूरकर वादविवाद स्पर्धेत तालुक्यातुन सर्वव्दितीय क्रमांक पटकावून घवघवीत यश संपादन केले आहे.

तालुकास्तरीय वादविवाद स्पर्धेचे आयोजन कस्तुरबा गांधी बालिका विद्यालय, बदनापूर येथे करण्यात आले होते. याप्रसंगी गटशिक्षणाधिकारी नारायण कुमावत, अधिव्याख्याता डॉ. प्रेरणा मोरे, शिक्षण विस्तार अधिकारी डि.एन. क्षीरसागर, गटसमन्वयक बाबासाहेब जुंबड, केंद्रप्रमुख विलास राजगिरे व एस.डब्ल्यू. बोर्डे, चंद्रकांत गोल्डे यांची उपस्थिती होती. जिजाऊ हायस्कूल, शेलगावच्या संघातर्फे प्रेम अंभोरे व संतोष गुसिंगे यांनी उत्कृष्ट कामगिरी करत उपस्थितीतांची मने जिंकून सर्वव्दितीय क्रमांक पटकावला. यावेळी स्पर्धेतील विजेत्या विद्यार्थ्यांचा प्रमाणपत्र देऊन मान्यवरांचे हस्ते सत्कार करण्यात आला. तालुका स्तरावर घेण्यात आलेल्या वादविवाद स्पर्धेत एकूण बारा संघ सहभागी झाले होते. त्यापैकी जिजाऊ हायस्कूल अँड ज्युनियर कॉलेज शेलगाव संघाने उत्कृष्ट कामगिरी करून तालुका स्तरावर द्वितीय क्रमांक पटकावला. स्पर्धकांवर सर्वच स्तरावरून अभिनंदनाचा वर्षाव होत आहे….! स्पर्धा यशस्वी करण्यासाठी विजेत्या स्पर्धकांची उत्कृष्ट तयारी करण्यासाठी प्राचार्य बिजला निकम, प्र. अधिकारी उध्दव बबीरवाल, प्राचार्य मनोज वैद्य, सचिन हिवाळकर व सर्व शिक्षकांनी विशेष प्रयत्न केले.

या दैदीप्यमान यशाबद्दल स्पर्धक, प्राचार्य व सर्व शिक्षकांचे अभिनंदन मेस्कोचे प्रदेशाध्यक्ष गजानन पाटील वाळके व संस्थेच्या अध्यक्षा सौ. कविता गजानन पा.वाळके, गटशिक्षणाधिकारी नारायण कुमावत, केंद्रप्रमुख शंकरसिंह ठाकूर यांनी केले आहे.