मराठा नगर चषक क्रिकेट स्पर्धेचा शानदार शुभारंभ तरुणांनी मैदानी खेळाकडे वळावे – अश्विन अंबेकर

Related Articles

राज्यस्तरीय शालेय किक बॉक्सिंग स्पर्धेमध्ये विष्णू चव्हाण तृतीय 

January 23, 2025

ज्युनिअर राज्यस्तरीय सेपकटकरॉ स्पर्धेत नांदेडचा मुलाचा संघास विजेते पद तर मुलीच्या संघास उपविजेतेपद

January 22, 2025

ज्युनिअर राज्यस्तरीय सेपक टकरॉ स्पर्धेत जळगाव च्या संघाला २ रौप्य व १ कांस्य पदक

January 22, 2025

जालना, प्रतिनिधी (दि.09) जालना तालुक्यातील राममूर्ती येथे मराठा वॉरियर्स व जेपीसीसी या संघांच्या वतीने ग्रामीण भागातील क्रिकेट संघांसाठी आयोजित करण्यात आलेल्या मराठा नगर चषक क्रिकेट स्पर्धेचे आयोजन केले करण्यात आले. या स्पर्धेचे उद्घाटन अश्विन भास्करराव अंबेकर यांच्या हस्ते व सरपंच अय्युब परसुवाले, उपसरपंच पंढरीनाथ शिंगाडे, युवासेना तालुकाप्रमुख संदिप मगर, पो.पा.सुरेश रोडगे, रामकिसन मुळे, शेलार गिराम, दत्तात्रय रोडगे, अजिस घोचिवाले यांच्या प्रमुख उपस्थितीत संपन्न झाले.
शुभारंभाचा पहिला सामना स्वराज्य इलेव्हन पीरकल्याण व रॉयल्स एलेव्हन राममूर्ती यांच्या दरम्यान खेळला गेला.
यावेळी बोलतांना अश्विन अंबेकर म्हणाले की, राममूर्ती सारख्या ग्रामीण भागातील क्रिकेट संघांनी ग्रामीण भागांतील क्रिकेट संघासाठी अत्यंत चांगल्या प्रकारे स्पर्धेचे आयोजन केले. याबद्दल आयोजकांचे करावे तेवढे कौतुक कमी आहे. ग्रामीण भागातही अत्यंत गुणवान खेळाडू आहेत त्यांना योग्य संधी मिळावी यासाठी आपण सर्वांनी त्यांना प्रोत्साहन दिले पाहिजे. आज तरूण मैदानी खेळा ऐवजी मोबाईल व संगणकावरील खेळाकडे वळत आहे. त्याचे आरोग्यावर विपरीत परिणाम होत आहेत.
त्यामुळे तरुणांनी मैदानी खेळांना प्राधान्य देत देणे गरजेचे आहे. क्रिकेट हा देशात सर्वाधिक खेळला जाणारा व सर्वात जास्त प्रेक्षक असणारा खेळ आहे. तुम्ही आयोजित केलेल्या अशा स्पर्धांच्या आयोजनातूनच नविन खेळाडू निर्माण होतील असेही ते म्हणाले.
यास्पर्धेसाठी प्रथम 31 हजार, द्वितीय 15 हजार, तृतीय 11 हजार रुपयांचे रोख पारितोषिके असुन मोठया संख्येने संघांनी सहभाग नोंदविला. यावेळी स्पर्धेचे आयोजक अशोक मुळे, अनिल गिराम, भागवत मुळे, फिरोज परसुवाले, शाम गिराम, रवी गिराम, एकनाथ गिराम यांच्यासह खेळाडू व नागरिकांची मोठ्या संख्येने उपस्थिती होती.