मौजपुरी येथे भव्य शंकरपटाचे आयोजन

Related Articles

जिल्हास्तरीय शालेय कबड्डी स्पर्धेत पार्थ सैनिकी शाळेचे घवघवीत यश

September 27, 2024

खेळ आणि खेळाडूंच्या विकासासाठी क्रीडा विभाग सदैव तत्पर – जिल्हा क्रीडाधिकारी विद्यागर यांची ग्वाही

September 8, 2024

तालुकास्तरीय शालेय मैदानी स्पर्धेत आमची शाळा खरपुडीचे घवघवीत यश

September 5, 2024

जालना, – गेल्या अनेक दिवसापासून शंकरपटावर असलेल्या बंदीमुळे शंकरपट प्रेमी नाराज झाले होते. परंतु शंकरपटावरील बंदी उठविल्याने जालना तालुक्यातील मौजपुरी येथे महाशिवरात्री निमित्त दि. 1 मार्च 2022 रोजी सकाळी 8ः30 वाजता भव्य शंकरपटाचे आयोजन करण्यात आले असल्याची माहिती आयोजक बद्रीनारायण भसांडे आणि सत्यनारायण ढोकळे यांनी सांगीतले आहे.
या शंकरपटात सहभागी होणार्‍यासाठी एकूण 15 बक्षीसं ठेवण्यात आली आहेत.  यामध्ये कमीत कमी 1500 रुपये ते जास्तीत जास्त 15000 रुपयाचे बक्षिस देण्यात येणार आहे. या शंकरपटात सहभागी होतांना बैलांना पळवण्यासाठी काठी किंवा चाबुकचा वापर करता येणार नाही. सदरील शंकरपट हा मा. न्यायालयाच्या आदेशानुसर व नियमानुसारच होणार असल्याचे आयोजकांनी सांगीतले आहे. या शंकरपटात सहभागी होतांना कोरोनाच्या नियमाचे पालन करावे लागणार आहे. कोणत्याही प्रकारची नशा करणार्‍यांना या शंकरपटात सहभागी होता येणार नाही.
या पंचक्रोशीत होणार्‍या भव्य शंकरपटात हजारोच्या संख्येने सहभागी व्हावे असे आवाहन आयोजन बद्रीनारायण भसांडे आणि सत्यनारायण ढोकळे यांनी केले आहे.