राष्ट्रीय नेटबॉल स्पर्धे निमित्त महाराष्ट्रभरातून रॅली संपन्न

Related Articles

सेपाक टाकराच्या पहिल्या राष्ट्रीय खेळाडुचा सत्कार

April 4, 2024

खेळाडुंनी खेळाकडे करीअर म्हणुन पहावे – जिल्हाधिकारी डॉ. श्रीकृष्ण पांचाळ

December 29, 2023

प्रा.खुशाल देशमुख यांची महाराष्ट्र संघाचा व्यवस्थापक म्हणून निवड

December 19, 2023

प्रतिनिधी – महाराष्ट्र एमेच्योर नेटबॉल असोसिएशनच्या वतीने दिनांक 1 ते 4 मार्च दरम्यान नागपूर येथे 40 व्या वरिष्ठ गट राष्ट्रीय नेटबॉल स्पर्धेचे आयोजन करण्यात आले असून स्पर्धेनिमित्त महाराष्ट्राततील जवळपास 20 जिल्ह्यातून एकाच वेळी रॅली काढण्यात आली.
रॅलीची सुरुवात नागपूर येथून झूम व्हिडिओ वरून राज्य असोसिएशनचे अध्यक्ष बिपीन भाई कामदार यांच्या हस्ते करण्यात आले, यावेळी त्यांच्या सोबत राज्य असोसिएशनचे सचिव डॉ. ललित जीवानी, व डॉ. योगेंद्र पांडे यांचीही प्रमुख उपस्थिती होती.
रॅली संपूर्ण महाराष्ट्रात जवळपास 20 जिल्ह्यात काढण्यात आली, यात नागपूर, भंडारा, नांदेड, औरंगाबाद, परभणी, जालना, व इतर जिल्ह्यातील नेटबॉल असोसिएशन च्या स्थानिक पदाधिकारी व खेळाडू यांनी उस्फुर्त सहभाग नोंदविला.
व्यसन मुक्त युवा – स्वस्थ युवा
स्वस्थ युवा – स्वस्थ भारत
अशा घोषणा देत एक मोठा संदेश नेटबॉल असोसिएशन च्या वतीने या रॅली च्या माध्यमातून संपूर्ण महाराष्ट्रात व देशा साठी देण्यात आला.
यावेळी मार्गदर्शन करतांना राज्य असोसिएशन चे अध्यक्ष बिपीन भाई कामदार यांनी सांगितले की, या राष्ट्रीय स्पर्धेच्या रूपाने फार मोठी संधी महाराष्ट्राला मिळाली आहे व डॉ. ललित जीवानी यांच्या नेतृत्वाखाली सदर स्पर्धा ऐतिहासिक होणार आहे, स्पर्धेमुळे महाराष्ट्रातील सर्व नेटबॉल खेळाडू मध्ये नवचैतन्य निर्माण झाले असून ते स्वतःही या स्पर्धेकरीत अतिउत्साही आहेत.
सदर स्पर्धा यशस्वी करण्यासाठी बिपीन भाई कामदार यांच्या मार्गदर्शनाखाली संपूर्ण महाराष्ट्राततिल पदाधिकारी मेहनत घेत असल्याचे राज्य सचिव डॉ. ललित जीवानी यांनी या वेळी सांगितले.
तसेच गेल्या 10 दिवसापासून राज्य असोसिएशन श्याम देशमुख यांच्या निगराणीखाली भंडारा जिल्ह्यात महाराष्ट्राच्या दोन्ही संघाचे सराव शिबीर सुरू असून खेळाडू व त्यांच्ये प्रशिक्षक महेश काळदाते, विशाल शेळके, विलास पराते व भंडारा जिल्ह्याचे पदाधिकारी परिश्रम घेत आहेत.
महाराष्ट्राचे दोन्ही संघ अजिंक्य ठरतील असा विश्वास यावेळी बोलतांना शाम देशमुख यांनी व्यक्त केला आहे.