राष्ट्रीय रोलर बॉस्केटबॉल स्पर्धेत महाराष्ट्राच्या संघामध्ये जालन्याचे खेळाडू चमकले

जालना/प्रतिनिधी  – जम्मु-काश्मीर येथे संपन्न झालेल्या राष्ट्रीय रोलर बॉस्केटबॉल स्पर्धेत महाराष्ट्राच्या संघामध्ये प्रतिनिधीत्व करणाऱ्या जालना जिल्ह्याचे 3 खेळाडूंनी वैयक्तिक तिसरा क्रमांक मिळवून घवघवीत यश संपादीत केले. 04 नोव्हेंबर ते 06 नोव्हेंबर 2023 रोजी जम्मु कश्मीर येथील मौलाना आझाद स्टेडियमवर झालेल्या राष्ट्रीय रोलर बॉस्केटबॉल मध्ये जालना शहरातीलतीन खेळाडूंनी राष्ट्रीय रोलर बास्केटबॉल मध्ये रोप्य पदक पटकावले. यामध्ये 11 वर्षाखालील स्पर्धेत टीम कॅप्टन असलेल्या कयान बोरूंदिया, 14 वर्षाखालील स्पर्धेत इब्राहिम सिद्दिकी व ऋषभ जाधव खेळाडूंचा समावेश होता.

    राष्ट्रीय रोलर बास्केटबॉल स्पर्धेत देशभरातील 9 राज्यातील विविध वयोगटातील संघांचा सहभाग होता. या देशपातळीवरील स्पर्धेत विजयी खेळाडूंना सय्यद निसार यांचे मार्गदर्शन लाभले. या स्पर्धेतील विजयी खेळाडूंचे व प्रशिक्षक सय्यद निसार यांचे सर्वच स्तरातून अभिनंदनाचा वर्षाव होत आहे