वुई द चेंज या संस्थेच्या वतीने मासिक पाळी व्यवस्थापन याविषयी प्रशिक्षण संपन्न

Related Articles

म.न.पा. मुर्गी तलाव शाळेत शाळा पूर्व तयारी मेळावा उत्साहात

April 25, 2024

पांडुरंग डोंगरे यांना ‘मिलेनियर ऑफ फार्मर अवॉर्ड’ नवी दिल्ली येथे प्रदान

December 13, 2023

आगामी लोकसभा निवडणूक ठरवणार धर्मनिरपेक्ष भारताचे भवितव्य – डॉ. कुमार सप्तर्षी

November 11, 2023

जालना/प्रतिनिधी :- महिलांच्या आरोग्याच्या दृष्टीने मासिक पाळी हा महत्वाचा व संवेदनाशील विषय आहे.या विषयावर सखोल आणि शास्त्रीय पध्दतीने प्रशिक्षण देऊन मोठ्या प्रमाणात गैरसमज दुर करण्यासाठी वुई द चेंज,नई दिल्ली येथील सामाजिक संस्थेच्या वतीने पुढाकार घेऊन देशभरात विविध शासकीय विभागाच्या माध्यमातून,आशा वर्कर,आंगणवाडी सेविका महिला,युवक,युवती यांना मासिक पाळी व्यवस्थापन या विषयावर प्रशिक्षित करण्यात येत आहे.जालना जिल्ह्यात जिल्हा परिषदेच्या मुख्य कार्यकारी अधिकारी वर्षा मिना यांच्या पुढाकाराने विविध ठिकाणी मासिक पाळी व्यवस्थापन याबाबतीत प्रशिक्षण आयोजित करुन याविषयी मोठ्या प्रमाणात जनजागृती व्हावी यासाठी नियोजन करण्यात आले.

जिल्हा परिषद,जालना ,वुई द चेंज,नई दिल्ली व सहारा सामाजिक विकास संस्था,जालना यांच्या संयुक्त विद्यमाने मासिक पाळी व्यवस्थापन या विषयावर आंगणवाडी सेविका,आशा वर्कर,युवती व शालेय विद्यार्थी यांच्या प्रशिक्षण घेण्यात आले.वुई द चेंज च्या प्रमुख नाज फरीहन या मासिक पाळी व्यवस्थापन याविषयांच्या राष्ट्रीय प्रशिक्षक आहे.यांनी सविस्तर व सखोल मार्गदर्शन करुन सहभागी प्रशिक्षणार्थी सोबत मुक्त संवाद साधला.
महिला बाल कल्याण अधिकारी कोमल कोरे,जिल्हा आरोग्य अधिकारी डॉ.जयश्री भुसारे,शिक्षणाधिकारी मंगल धुपे,राष्ट्रीय आरोग्य अभियान च्या अश्विनी पुणेवाड,सहाय्यक आयुक्त,दत्ताञय वाघ,वुई द चेंज चे राज्य समन्वयक ,संकेत सिमा विश्वास ,सहाराचे बी.एस.सय्यद,क्रांतीसिंह संस्थेचे विष्णू पिवळ यांनी सदर प्रशिक्षण आयोजन करण्यासाठी नियोजन केले .जालना येथील कस्तुरबा गांधी बालीका विद्यालय , समाजकल्याण विभागाच्या मुलीच्या निवासी शाळा व जिल्हा परिषदेच्या यशवंतराव चव्हाण सभागृहात प्रशिक्षण घेण्यात आले.ग्रामीण भागांत आशा वर्कर व आंगणवाडी सेविका यांच्या सहकार्याने मोठ्या प्रमाणात आरोग्याची सुविधा बाबतीत जागृती करण्यात येते.मासिक पाळी व्यवस्थापन हा विषय संवेदनाशील आहे.हा सामाजिक प्रश्न आधिक चर्चा करुन सर्व सामान्य व्हावा यासाठीचा हा प्रयत्न यशस्वी होत आहे.यावेळी प्रत्याक्षिक करुन माहिती पुस्तके वितरण करण्यात आले.हे प्रशिक्षण यशस्वी करण्यासाठी कस्तुरबा गांधी बालिका विद्यालयाच्या मुख्याध्यापक श्रीमती एम.के.पवार.समाजकल्याणच्यां मुलींच्या निवासी शाळेच्या मुख्याध्यापक प्रेमिला गोसावी यांनी परिश्रम घेतले.