७ वर्षाखालील मुलामुलींची राज्यस्तरीय बुद्धिबळ स्पर्धेसाठी जिल्हा बुद्धिबळ संघातर्फे निवड चाचणी स्पर्धा

Related Articles

August 19, 2024

August 13, 2024

राज्यस्तरीय ॲथलेटिक्स स्पर्धेसाठी निवड चाचणीचे आयोजन

July 25, 2024

जालना/ प्रतिनिधि – जिल्हा बुद्धिबळ संघाच्या वतीने जळगाव येथे दिनांक ३ ते ५ ऑगस्ट २०२४ दरम्यान होणाऱ्या ७ वर्षाखालील मुलामुलींची राज्य अजिंक्यपद बुद्धिबळ स्पर्धेकरीता जालना जिल्ह्याचा संघ निवडीसाठी जिल्हा बुद्धिबळ संघ जालना च्या वतीने निवड चाचणी स्पर्धेचे आयोजन रविवार दिनांक २८ जुलै २०२४ रोजी दुपारी १:०० वाजता भारत शारीरिक शिक्षण महाविद्यालय, भक्त नगर,रेवगाव रोड, जालना येथे करण्यात आले आहे.

या स्पर्धेमधून गुणानुक्रमे मुलांचा गट मधून पहिले २ तसेच मुलींच्या गटातून पहिले २ खेळाडूंची निवड करण्यात येईल. या स्पर्धेत विजयी खेळाडू हे पुढील राज्यस्तरीय स्पर्धेमध्ये जालना जिल्ह्याचे प्रतिनिधित्व करतील. स्पर्धेसाठी येताना खेळाडूंनी स्वतःचा बुद्धिबळपट व नगर परिषदेचा जन्माचा दाखला सोबत आणावा.
या निवड चाचणी स्पर्धेत जास्तीत जास्त बुद्धिबळपटूंनी सहभागी व्हावे असे आवाहन जिल्हा बुद्धिबळ संघाचे अध्यक्ष प्राचार्य डॉ. दयानंद भक्त, सचिव प्रा डॉ रत्नाकर कुलकर्णी, सह. सचिव श्री सतीश ठाकूर, श्री कृष्णा ठाकूर, प्रा डॉ शाम काबुलीवाले, प्रा गजानन जगताप यांनी केले.