राष्ट्र संत गाडगेबाबा जयंती विविध उपक्रमांनी साजरी

जालना (प्रतिनिधी) ः  राष्ट्र संत गाडगेबाबा यांच्या जयंती निमित्त अन्नदान, वृक्षारोपन आदी कार्यक्रमांनी जयंती उत्सव साजरा करण्यात आला. यावेळी गोरगरीबांना अन्नाचे पाकीट वाटप करण्यात आले. संत गाडगेबाबा यांच्या जयंतीचे औचित्य साधुन परिट धोबी समाजाच्यावतीने वृक्षारोपनाचा कार्यक्रम आयोजित करण्यात आला  होता.

यावेळी मान्यवरांनी वृक्षारोपनाचे महत्व आपल्या मार्गदर्शनातून सांगितले. स्वच्छतेवर भर देणार्‍या राष्ट्रसंत गाडगे महाराजांनी समाजातील अंधश्रध्देवर प्रहार करुन वास्तविकतेवर भर दिल्याचेही यावेळी मान्यवरांनी सांगितले. या कार्यक्रमास समाजातील ज्येष्ठ नागरीकांसह युवकांची मोठ्या संख्येने उपस्थिती होती.